Amit ampun nun
paralun ka Gusti nu Maha Suci
Neda pangjiad
pangraksa para abdi-abdi seni
Seja ngaguwar raratan
tetes waris nini aki
Ngembatkeun jalan
raratan katampian geusan mandi
ka leuwi sipatahunan
leuwi nu ngaruncang diri
Diri anu sakiwari rek
muru lulurung tujuh
Ngaliwat ka Pajajaran
bongan hayang pulang anting
Padungdengan-padungdengan
jeung usikna pangancikan
Pun sapun
Sampurasun karumuhun
ka hyang Prabu Siliwangi
Nu murba di Pajajaran
pangumpen seuwi siwi
Nu Gelar di Tatar
Sunda muga nebarkeun wawangi..
